Kryeministri Edi Rama ka reaguar për medaljen e parë olimpike të Shqipërisë, duke theksuar se ky sukses është një dëshmi e angazhimit të Komitetit të Rilindur Olimpik Shqiptar dhe drejtuesit të tij, Fidel Ylli.
“Medalja e Parë Olimpike në historinë tonë është një lajm që flet shumë për punën e Komitetit të Rilindur Olimpik Shqiptar nën drejtimin e Fidel Yllit, për të vërtetën që Shqipërisë jo nuk i ikin më talentet sportive të lindura këtu, po talente të lindura gjetkë e zgjedhin si atdheun e dytë për t’u stërvitur në kushte optimale e për t’u ngjitur në majat e botës”, shprehet Rama.
