Në një incident të tensionuar këtë të shtunë, hapësira ajrore e NATO-s u shkel nga një avion spiun rus IL-20M.
Komanda e Forcave Ajrore të Gjermanisë njoftoi se avionët luftarakë gjermanë, me mbështetje nga Forcat Ajrore Suedeze dhe shërbimi i kontrollit të trafikut ajror të NATO-s, u ngritën nga baza në Lage (Rostock) për të shoqëruar avionin rus jashtë hapësirës ajrore të NATO-s.
Avioni rus, që fluturonte pa plan fluturimi dhe pa kontakt me kontrollin civil, krijoi një situatë të rrezikshme, duke bërë që autoritetet të ndërhyjnë për të parandaluar një ndodhi të mundshme.
Raportet e ngjashme për fluturime të padeklaruara të avionëve ushtarakë rusë janë bërë të zakonshme në hapësirën ajrore ndërkombëtare mbi Detin Baltik.
