Ditën e sotme dy persona në qarkun Dibër janë proceduar penalisht pasi ndezën zjarre për të pastruar kullotat e tyre dhe si pasojë u dogjën rreth 3 ha tokë.
73-vjeçari me iniciale F.S, banues në fshatin Shoshaj, Burrel dhe 40-vjeçari me iniciale A.N., banues në Maqellarë kanë ndezur zjarr me qëllim pastrimin e kullotave të tyre në fshatin Shoshaj dhe Obok.
Zjarri si pasojë e erës është përhapur dhe ka djegur një sipërfaqe toke prej 3 ha me bimësi.
Ndërkohë materialet procedurale i kaluan Prokurorisë, për veprën penale “Shkatërrimi i pronës me zjarr”.
