Sot, opozita do të zhvillojë një protestë para Bashkisë së Tiranës, e cila do të ndikohet nga masa të rëndësishme të sigurisë.
Policia ka njoftuar se, për shkak të tubimit që fillon në orën 11:00, do të ketë bllokime të disa segmenteve rrugore dhe kufizime të pjesshme në disa zona të tjera, në përputhje me lëvizjet e protestuesve.
Prej orës 09:30 deri në përfundim të protestës, bulevardi kryesor pranë Bashkisë së Tiranës do të jetë i bllokuar për qarkullimin e mjeteve. Policia apelon që qytetarët të shmangin lëvizjen në këto akse dhe të përdorin rrugë alternative si Unaza e Mesme dhe Unaza e Madhe.
