Sali Berisha ka kritikuar ashpër zëvendëskryeministren Belinda Balluku për taksimin e banorëve të veriut që përdorin rrugën Thumanë-Kashar për të hyrë në Tiranë.
Ai e quajti këtë rrugë një “ndëshkim” që diskriminon qytetarët dhe dëmton bizneset lokale, duke e krahasuar me ndërtimet e mëparshme që përmirësuan tregtinë dhe ekonominë.
Sipas Berishës, kjo është një masë që poshtëron dhe rëndon jetën e banorëve të veriut.
“Është rruga me të cilën Edi Rama, ky urrejtës i shpifur i banorëve të Veriut, me lubiBallukun taksojnë për të hyrë në Tiranë, 510 mijë banorë të veriut.
Taksojnë banorët më të varfër të Shqipërisë, taksojnë banorët më të diskriminuar të Shqipërisë. Bëjnë kështu një akt poshtërimi për çdo banor, sepse diskriminimi është poshtërim, poshtërim dhe vetëm poshtërim.” u shpreh Berisha.
