Mëngjesin e sotëm, polumbarët e Repartit Special RENEA kanë gjetur trupin e pajetë të një 21-vjeçari, i cili dyshohet se është mbytur në një kanal vaditës në fshatin Çukas, Lushnje.
Një kallëzim i bërë në Komisariatin e Policisë Lushnjë nga A. C., 37 vjeç, banues në fshatin Barbullinjë, informoi për humbjen e kontaktit me djalin e xhaxhait, M. C., 21 vjeç, i cili vuante nga epilepsia. Pas këtij njoftimi, nisën menjëherë kërkimet për gjetjen e tij.
Paraditen e sotme, me ndihmën e polumbarëve të RENEA-s, u bë e mundur gjetja dhe nxjerrja e trupit të pajetë të M. C., i cili dyshohet të jetë vetëmbytur në kanal. Grupi hetimor po punon për të sqaruar dhe dokumentuar të gjitha rrethanat e këtij rasti.
