Një ushtar rus ka publikuar një video tronditëse ku shfaqet një pjesë e kokës së një ushtari ukrainas të varur në një shtyllë.
Videoja, që besohet të jetë filmuar në pikëkalimin kufitar rus në rajonin e Belgorodit, është një dëshmi tjetër e krimeve të luftës në Ukrainë, sipas autoriteteve të Kievit.
Sipas informacionit, trupat ukrainase kanë dështuar të kalojnë përmes pikës kufitare Kolotilovka në Rusi në përpjekjen për të zgjeruar inkursionin e tyre. Kievi pretendon se tani kontrollon një territor të konsiderueshëm në rajonin e Kurskut.
Në të njëjtën kohë, Moska ka pretenduar se Ukraina ka përdorur raketat perëndimore, të dyshuara si ato amerikane HIMARS, për të shkatërruar për herë të parë një urë mbi lumin Seym në territorin rus.
