Nga shtatori, ligji për mbrojtjen e shëndetit nga produktet e duhanit do të futë kufizime të reja.
Ndalohet shitja e snusit, vape, cigareve elektronike dhe produkteve të tjera të ngjashme, veçanërisht për personat nën 18 vjeç.
Gjithashtu, ndalohet shitja e këtyre produkteve nga tregtarët ambulantë dhe nëpërmjet shërbimeve online.
Ligji gjithashtu ndalon reklamimin e produkteve të duhanit në evente dhe koncerte, si dhe ndalimin e shpërndarjes së këtyre produkteve nëpërmjet ofrimit falas në aktivitete.
Shkelësit e ligjit do të përballen me gjoba që fillojnë nga 200 mijë lekë dhe mund të arrijnë deri në 5 milion lekë në varësi të përsëritjes dhe rrezikshmërisë së shkeljeve.
