Në Durrës, gjatë një operacioni të përbashkët të policisë dhe Ambasadës së Mbretërisë së Bashkuar, janë kapur dy drejtues autobusi, E. N., 34 vjeç dhe F. R., 37 vjeç, me bizhuteri floriri dhe argjendi të padeklaruara.
Të dy janë akuzuar për “Mosdeklarimin në kufi të sendeve me vlerë” dhe “Përvetësimi i parave nga veprimtari kriminale.”
Policia ka shpallur në kërkim shtetasin M. T., 59 vjeç, i dyshuar për pranimin e bizhuterive në Shqipëri. Gjatë operacionit janë sekuestruar gjithashtu dy celularë dhe dy pasaporta.
Materialet janë dërguar në Prokurorinë e Durrësit për procedura të mëtejshme.
