Kryetarja e Kuvendit, Elisa Spiropali, zhvilloi një takim me ambasadorin e Turqisë, Tayyar Kağan Atay.
Ambasadori Atay e përgëzoi Spiropalin për zgjedhjen në krye të Kuvendit dhe shprehu gatishmërinë e Ambasadës për të avancuar marrëdhëniet mes dy vendeve dhe për të intensifikuar bashkëpunimin parlamentar.
Spiropali theksoi se Shqipëria do të përforcojë partneritetin strategjik me Turqinë dhe e cilësoi këtë bashkëpunim si një prioritet të Kuvendit dhe institucioneve shqiptare.
Ajo nënvizoi se miqësia dhe aleanca mes dy popujve është thelbësore për stabilitetin e rajonit. Kuvendi do të punojë për të zgjeruar bashkëpunimin me Asamblenë e Madhe Kombëtare të Turqisë në të gjitha nivelet.
