Taylor Swift ka ndarë ndjenjat e saj të frikës dhe fajit pas anulimit të tre koncerteve në Vjenë, për shkak të një kërcënimi për sigurinë.
Ajo tha se ishte “mbytur nga frika” pasi autoritetet austriake zbuluan një plan për një sulm në vendin e saj të koncerteve dhe arrestuan një 19-vjeçar që kishte pranuar se donte të shkaktonte “gjakderdhje”.
Këngëtarja shprehu keqardhjen në Instagram, duke theksuar se anulimi i koncerteve ishte shumë i dhimbshëm për të dhe se e kishte mbushur me ndjenja të reja frike dhe faji, pasi shumë njerëz kishin planifikuar të ishin atje.
Megjithatë, ajo njoftoi se koncertet në Londër, pjesë e turneut “Eras”, kishin kaluar pa incidente dhe se turneu evropian kishte përfunduar. Turneu “Eras” do të vazhdojë në Shtetet e Bashkuara dhe Kanada nga tetori deri në dhjetor.
