Një fluks i lartë automjetesh po lëvizin në fundjavë në zonat drejt plazheve, zonave turistike dhe malit të Tomorrit.
Policia e Shtetit apelon që të kenë kujdes të gjithë përdoruesit e rrugës në qarkullimin e mjeteve dhe për të parandaluar aksidentet rrugore.
Gjithashtu policia rrugore apelon për respektimin e normave të shpejtësisë, për të mos parakaluar, për të qëndruar në radhë në raste fluksi apo ngadalësimi të lëvizjes, dhe për të përdorur rrugë alternative.
Ata lajmërojnë që në rast nevoje të telefonojnë në numrin pa pagesë 112 dhe shërbimet e policisë do të vijnë menjëherë në ndihmë.
