Kryeministri izraelit Benjamin Netanyahu ka paralajmëruar se sulmet e Izraelit të dielën “nuk janë fundi i historisë”, në fushatën e tij ushtarake kundër Hezbollahut.
Në një mbledhje të kabinetit Netanyahu tha se “Ne po godasim Hezbollahun me goditje befasuese, dërrmuese. Ky është një hap tjetër drejt ndryshimit të situatës në veri dhe kthimit të sigurt të banorëve tanë në shtëpitë e tyre”.
Kryeministri i Izraelit thotë se ushtria izraelite ka shkatërruar mijëra raketa me rreze të shkurtër “që synojnë të dëmtojnë qytetarët tanë dhe forcat tona”, si dhe ka kapur të gjithë dronët “të lëshuar në një objektiv strategjik në qendër të vendit”.
