Ministrja dhe zëvendëskryeministrja Belinda Balluku ka zhvilluar një takim me Nancy VanHorn, të ngarkuarën me punë të Shteteve të Bashkuara në Shqipëri.
Gjatë këtij takimi, të dyja palët shprehën angazhimin e përbashkët për të forcuar bashkëpunimin mes Shqipërisë dhe SHBA-së, duke theksuar marrëdhëniet e shkëlqyera mes dy vendeve.
Në një postim në rrjetet sociale, Balluku nënvizoi mbështetjen e vazhdueshme që SHBA i ka ofruar Shqipërisë, veçanërisht në sektorin e energjisë.
“Me Nancy VanHorn, të Ngarkuarën me Punë të Shteteve të Bashkuara të Amerikës në vendin tonë, shprehëm angazhimin e përbashkët për të vijuar bashkëpunimin e ngushtë, si shenjë e marrëdhënieve të shkëlqyera mes dy vendeve tona.”, shkruan Balluku.
Ajo e njohu VanHorn me disa projekte të rëndësishme që Shqipëria ka në plan, duke e falënderuar për mbështetje të pakursyer në realizimin e këtyre iniciativave.
