Në pikën e grumbullimit të skrapit të kompanisë turke Kurum International sha në Elbasan, janë zbuluar disa predha luftarake që nuk janë shpërthyer. Predhat janë hasur rastësisht nga punonjësit gjatë punës dhe janë njoftuar menjëherë strukturat përkatëse.
Në vendngjarje janë dërguar forcat e policisë dhe emergjencave civile për të trajtuar situatën. Aktualisht, po kryhet procesi i demontimit të predhave nga xhenierët dhe po hetohet për të zbuluar origjinën e tyre.
Fatmirësisht, nuk ka pasur incidente me punonjësit gjatë këtij procesi. Megjithatë, prania e municioneve dhe predhave në pikat e skrapit është një rrezik potencial për jetën e punëtorëve dhe kërkon masa të rrepta sigurie.
