Presidenti Bajram Begaj priti sot trupin diplomatik shqiptar dhe ofroi mbështetje për punën e tyre në vendet që mbulojnë.
Ai theksoi se “objektivi i anëtarësimit në BE mbetet i pandryshuar, si një ndër shtyllat kryesore të politikës së jashtme të Shqipërisë.” Begaj shtoi se diplomacia shqiptare duhet të “vijojë mbështetjen pa kushte për Kosovën,” duke theksuar se Kosova duhet të jetë pjesë integrale e aksionit diplomatik të Shqipërisë.
Presidenti gjithashtu bëri thirrje për ambasadorët të “qëndrojnë sa më afër shqiptarëve kudo ata ndodhen” dhe të ofrojnë shërbime të plota dhe të përhershme për qytetarët.
Ai përfundoi me një apel për të “ndaluar çdo fenomen të papranueshëm” që lidhet me shërbimet e ambasadave dhe konsullatave për shqiptarët në diasporë.
