Takimi i planifikuar mes Presidentes Vjosa Osmani dhe admiralit Stuart B. Munsch është anuluar për shkak të gripit të presidentes.
Këshilltari për media i presidentes, Bekim Kupina, njoftoi se Osmani është e sëmurë nga një virus sezonal dhe për këtë arsye nuk mund të dalë në zyrë.
Sidoqoftë, biseda mes Osmanit dhe Munsch është zhvilluar përmes telefonit. Ata kanë rënë dakord që të realizojnë takimin e tyre në një nga udhëtimet e ardhshme.
Kupina theksoi se takimi ishte i konfirmuar për sot në orën 15:00, por për shkak të situatës shëndetësore, ai është shtyrë për një datë të mëvonshme.
