Rusia deklaroi se Ukraina përpiqej të sulmonte termocentralin bërthamor të Kurskut me një dron kamikaz më 22 gusht.
Sipas Moskës, droni u rrëzua nga sistemet ruse elektronike dhe sulmi përbën një “akt të terrorizmit bërthamor”. Rusia ka kërkuar një reagim nga Agjencia Ndërkombëtare e Energjisë Atomike (IAEA), e cila do të dërgojë specialistë për të vlerësuar situatën.
Autoritetet ukrainase ende nuk kanë komentuar këto pretendime. Rajoni i Kurskut ka qenë i përfshirë në një inkursion ukrainas që nga fillimi i gushtit.
