Portieri nga Kili, Claudio Bravo me anë të një mesazhi në rrjetet sociale ka njoftuar tërheqjen e tij nga futbolli në moshën 41-vjeçare.
Bravo shprehet se po mbyll një kapitull shumë të rëndësishëm në jetën e tij dhe është gati që të fillojë një fazë të re, një stad familjar që do të japë atij suksese dhe kënaqësi të mëdha.
“Përshëndetje të gjithëve! Përmes kësaj video dua të ndaj me ju lajmin se do të largohem nga futbolli profesionist. Besoj se kam marrë vendimin e duhur, një vendim të mirëmenduar dhe që është diskutuar thellësisht me familjen time dhe me të afërmit. Po mbyll një kapitull shumë të rëndësishëm në jetën time dhe është gjithashtu një moment për të filluar një fazë tjetër në jetën time, një stad familjar që do të jetë po aq i suksesshëm sa ky, i cili na solli kënaqësi të madhe në çdo kuptim”, shkruan Bravo.
Ish portieri ka pasur karrierë të suksesshme ku ka fituar disa kupa, kampionate dhe ka mbajtur veshur ngjyrat e Barcelonës midis viteve 2014 dhe 2016.
