Presidenti Bajram Begaj priti sot në një takim Zëvendëskryeministrin e Parë dhe Ministër i Mjedisit dhe Planifikimit Hapësinor të Republikës së Maqedonisë së Veriut, Izet Mexhiti.
Në takim u bisedua për bashkëpunimin e deritanishëm si dhe u theksua rëndësia e një angazhimi të përbashkët për të avancuar më tej procesin e integrimit në BE.
Begaj vlerësoi rolin e faktorit shqiptar në Maqedoninë e Veriut për paqen, sigurinë, zhvillimin e qëndrueshëm dhe orientimin e palëkundur Euroatlantik. Gjithashtu presidenti theksoi rëndësinë e forcimit të përfaqësimit politik të shqiptarëve në nivele të larta të qeverisjes së vendit, apo edhe ato lokale, si një përgjegjësi e drejtpërdrejtë ndaj qytetarëve për garantimin dhe respektimin e të drejtave të tyre.
