Në një fjalim gjatë ditës së 240 të qëndresës qytetare, lideri demokrat Sali Berisha ka cilësuar regjimin e Edi Ramës si një “regjim të pamëshirshëm” që vjedh qytetarët dhe rrit kostot deri në palcë.
Sipas Berishës, “ndërtimi i rrugëve në Shqipëri kushton 15 herë më shtrenjtë se para vitit 2013 dhe se ndërtimi në Kroaci dhe Kosovë.”
Ai ka kritikuar qeverinë për ndërtimin e rrugëve dhe shkollave me kosto të jashtëzakonshme, duke theksuar se për ndërtimin e një km rrugë në Shqipëri janë shpenzuar “30 milion euro, kur në asnjë vend të botës kjo nuk do të kushtonte më shumë se 1 deri në 3 milion euro.”
Berisha e ka quajtur këtë betejë “për jetën dhe ekzistencën e kombit shqiptar,” duke akuzuar qeverinë se po e shkatërron ekonominë e vendit dhe po rrit varfërinë.
