Ministrja e Arsimit, Ogerta Manastirliu, ka njoftuar se sot ka filluar procesi i regjistrimit në universitete për maturantët fitues, i cili do të vijojë deri më 13 shtator.
Regjistrimi bëhet në 7 faza 48-orëshe.
Hapat që duhet të ndjekin maturantët:
Identifikohu: Përdorni ID-në e maturës për t’u identifikuar në Këndin e Maturantit.
Kontrolloni Këndin: Verifikoni statusin tuaj në kohë reale; degët ku jeni fitues shfaqen me ngjyrë jeshile, ndërsa degët e fazave të ardhshme me të verdhë.
Afati 48-orë: Nëse jeni shpallur fitues, keni 48 orë për t’u regjistruar. Pas këtij afati, humbisni të drejtën për t’u regjistruar.
Regjistrohu: Paraqiteni në Sekretarinë e Fakultetit me kartën e identitetit dhe dokumentet e nevojshme për regjistrim.
