Kryeministri Edi Rama është takuar dhe ka darkuar me presidentin serb Aleksandër Vuçiç në kuadër të forumit “GLOBSEC” që po zhvillohet në Pragë të Çekisë.
Pamjet nga ky takim janë ndarë në rrjetet sociale nga presidenca serbe, ku Rama dhe Vuçiç janë parë të shijojnë darkën së bashku. Takimi vjen në një periudhë të tensionuar për marrëdhëniet mes Shqipërisë dhe Kosovës, si dhe për marrëdhëniet mes Serbisë dhe Kosovës.
Vetëm një ditë më parë, Serbia arriti një marrëveshje të rëndësishme me Francën për blerjen e 12 avionëve ushtarakë, ndërsa presidenti francez Emmanuel Macron ka lëshuar kritika të ashpra ndaj Kosovës dhe ka premtuar angazhimin personal për mbrojtjen e serbëve në Kosovë.
