Ditën e sotme kryeministri Edi Rama ndodhet në Pragë. Rama e nisi me batuta diskutimin me Kryeministren e Danimarkës Mette Frederiksen dhe Presidentin e Finlandës, Alexander Stubb gjatë fjalës së tij në aktivitetin “GLOBSEC 2024” që zhvillohet në Pragë.
Kryeministri u shpreh me batuta që nuk po e di çfarë menduat kur më vendosët pranë këtyre dy personave.
“Para se ti përgjigjem pyetjes tuaj nuk di se cfarë menduat kur më vutë pranë këtyre dy personave, sepse zakonisht më vini në lokomotivën me avull me njerëz nga Ballkani, me 5-6 njerëz., ndërsa tani jam në një makinë elektrike me dy nordikë. Ndihem shumë i nderuar. Jam ngritur në një nivel tjetër shoqërie në Evropë. E kuptoj që u ndjetë shumë vetëm në akull dhe do të donit pak diell nga Shqipëria për ta rritur pak temperaturën këtu”, tha Rama mes batutave.
