Në stërvitjen e parë të kombëtares kuqezi është dëmtuar Berat Gjimshiti.
Flitet për një tërheqje muskulare dhe në vend të tij trajneri Sylvinho ka thërritur mbrojtësin e kombëtares U21 Adrian Bajrami. Ai ndodhet gjithashtu në grumbullim për ndeshjet e tij dhe 22-vjeçari aktivizohet tek Benfika B në kampionatin portugez.
Nuk dihet ende se sa do të zgjasë ky dëmtim i kapitenit, por që nga shenjat e para duket se kapiteni kuqezi dhe futbollisti i Atalantës mund të humbasë ndeshjen e parë të Ligës së Kombeve atë përballë Ukrainës më 7 shtator.
