Në mëngjesin e sotëm, në Bulevardin “Republika” në Korçë, ka ndodhur një aksident tragjik që ka rezultuar me humbjen e jetës së një 51-vjeçari.
Sipas Zëvendës Drejtorit të Rendit në DVP Korçë, Bedri Hasanaj, aksidenti ndodhi rreth orës 9:50 kur një Volkswagen dhe një Mercedes Benz u përplasën.
Drejtuesi i Volkswagen-it, Julian Tusho, ka humbur kontrollin e mjetit të tij për shkak të një infarkti miokardi dhe ka devijuar në korsinë e kundërt, duke u përplasur me Mercedes Benz-in që ishte ndalur plotësisht. Pavarësisht ndërhyrjes së shpejtë dhe transportimit të tij në spital, Tusho ka ndërruar jetë.
Policia konfirmoi se drejtuesi i Mercedes Benz-it nuk kishte konsumuar alkool dhe se aksidenti u shkaktua nga problemi shëndetësor i drejtuesit të Volkswagen-it. Forcat e rendit kanë ndërmarrë masat e nevojshme për të hetuar të gjitha rrethanat e ngjarjes dhe për të menaxhuar situatën në vendngjarje.
Korçë/ Shoferi pëson infarkt në timon, dërgohet në gjendje të rëndë në spital
