Dorjan Teliti, Koordinatori për Programin Ekonomik në Partinë Demokratike, ka shpërndarë një postim të fortë në Facebook, ku kritikon mungesën e efikasitetit në mbledhjen e plehrave në Tiranë.
Ai e cilëson situatën si një “bombë me sahat” për shëndetin e qytetarëve, duke akuzuar kompaninë EcoTirana për mosmbledhjen e mbeturinave dhe shpërdorimin e fondeve.
Teliti thekson se ndonëse janë alokuar 20 milionë euro për pastrimin e qytetit në vitin 2024, Tirana është më e papastër se kurrë më parë.
