Avdullah Hoti, ish-kryeministër i Kosovës, e ka cilësuar Marrëveshjen e Uashingtonit, të nënshkruar me presidentin serb Aleksandar Vuçiq, si marrëveshjen më të rëndësishme që nga shpallja e Pavarësisë.
Ai theksoi se njohja e Kosovës nga Izraeli në vitin 2020 përforcoi shtetësinë e Kosovës dhe dërgoi një mesazh të fortë për shtetet që ende nuk e kanë njohur atë.
“Mesazhi që i është dhënë nga Shtëpia e Bardhë që Kosova është këtu përgjithmonë dhe duhet ta njihni, ky është mesazhi që është dhënë përmes njohjes nga Izraeli”, tha Hoti në Rubikon në Klan Kosova.
Hoti gjithashtu kritikoi skepticizmin ndaj marrëveshjes që shfaqet në skenën politike kosovare.
