Kryetari i Grupit Parlamentar të Partisë Demokratike, Gazment Bardhi, ka reaguar ndaj kritikave për mungesën e zonjave në pozitat e drejtuesve të qarqeve.
Në një intervistë për Çim Peka Live në SYRI TV, Bardhi theksoi se zonjat në PD nuk janë thjesht për show, siç e cilësoi ai emërimin e zonjës Spiropali në Shkodër, që sipas tij, ishte vetëm një fasadë e mbuluar nga krimi i organizuar.
Ai sqaroi se “Ligjërisht edhe kjo do të ndodhi, 30% e listës së kandidatëve për deputet të PD por edhe të kandidatëve fitues të PD do të jenë zonja sepse ky është një detyrim ligjor, pasi grupi ynë parlamentar edhe në ndryshimet e fundit të Kodit Zgjedhor në zbatim të GJK këmbënguli që të ishte një standard ligjor që do të zbatohet.
Drejtuesit politik janë 12, deputetët dhe përfaqësimi i të rinjve grave e me radhë do të pasqyrohet në listën e plotë të kandidatëve për deputet të PD.”
