Kancelari gjerman Olaf Scholz zhvilloi një bisedë telefonike me presidentin serb Aleksandar Vuçiç, gjatë së cilës theksoi rëndësinë e dialogut ndërmjet Kosovës dhe Serbisë të ndërmjetësuar nga Bashkimi Evropian.
Scholz ripërsëriti përkrahjen e fortë të Gjermanisë për këtë proces dhe theksoi nevojën për vazhdimësinë e dialogut.
Në këtë bisedë, dy liderët gjithashtu diskutuan për politikën e qëndrueshme për lëndët e para në Evropë, duke përfshirë minierat e litiumit në Serbi.
Scholz ofroi mbështetje për projekte të tilla, duke theksuar rëndësinë e standardeve të larta mjedisore. Të dy palët u dakordësuan të vazhdojnë shkëmbimin e hapur dhe të mbesin në kontakt për të avancuar këto çështje.
