Sekretari për Diasporën në Partinë Demokratike, Indrit Hoxha deklaroi dje në mbledhjen e kryesisë se rrezikojnë që të dalin më keq se në 2017 nëse PD nuk del në bazë të organizohet.
“Kemi nënvlerësuar votën e Diasporës që janë 1.5 milionë. Ne me këto kushte do marrim rezultat më të dobët se në 2017. Këtu në këtë sallë askush nuk beson që ne fitojmë, të jemi realistë. Ose do dalim në bazë të organizohemi, ose PD në zgjedhje do dalë më keq se 2017. Të mos mashtrojmë demokratët dhe veten.
Kërkova informacion nga të gjitha degët ku i kemi njerëzit në diasporë, sepse në kushtet që jemi askush në këtë sallë nuk beson që ne fitojmë pavarësisht qëndrimeve tona publike. Ne mund të marrim 1 milion vota brenda por po harrojme që në 2025 janë dhe 1.5 milionë shqiptarë që votojnë jashtë, dhe ne nuk jemi aty ku duhet të jemi.
Gjithashtu në primare diaspora të ketë të drejtën të zgjedhë kandidatët për deputet. Nëse nuk kthejmë fokusin kryesor lirimin e kryetarit të partisë, atehere kjo parti nuk meriton më të ekzistojë” tha ai.
