Misioni i SHBA-së në OSBE ka shprehur shqetësim të thellë për veprimet e fundit të Qeverisë së Kosovës në veri të vendit, duke i cilësuar ato si provokuese dhe të pakoordinuara.
Në një deklaratë të publikuar nga Ambasada Amerikane në Kosovë, thuhet se këto veprime kanë pasur një ndikim negativ mbi komunitetet serbe dhe pakicat e tjera, duke vënë në rrezik qytetarët kosovarë dhe ushtarët e KFOR, dhe duke minuar reputacionin ndërkombëtar të Kosovës.
SHBA i bën thirrje Kosovës që të trajtojë çështjet që lidhen me strukturat e mbështetura nga Serbia përmes Dialogut të lehtësuar nga BE-ja, siç është rënë dakord më herët. Reagimi thekson mbështetje për një Kosovë demokratike dhe multietnike dhe kërkon që të dy palët të vazhdojnë me zbatimin e marrëveshjeve të arritura në mars 2023.
Përfundimisht, SHBA përsërisin angazhimin e tyre për të mbështetur një marrëdhënie paqësore dhe të qëndrueshme ndërmjet Kosovës dhe Serbisë, duke nënvizuar rëndësinë e dialogut të vazhdueshëm për arritjen e njohjes reciproke.
