Në orën 18:00 serbët paralajmëruan se do të organizojnë bllokada në të gjitha pikat kufitare me Kosovën. Ata duan që Policia e Kosovës të tërhiqet nga veriu. Bllokada do të nisë nga ora 18:00 dhe nga 400 njerëz në çdo pikë kufitare do të jenë pjesëmarrës.
“Bllokada do të fillojë nesër në orën 18:00 dhe do të zgjasë derisa të tërhiqen forcat policore të Kosovës nga veriu i Kosovës dhe institucionet e uzurpuara t’u kthehen serbëve. Gjithashtu kërkojmë nga KFOR-i që në përputhje me mandatin e Rezolutës 1244, ta marrë kontrollin e veriut të Kosovës”, tha ai, raporton Klankosova.tv.
KFOR-i ka bërë thirrje të shmangen veprime që nxisin tensione. Nga ministria e Punëve të Jashtme, dhe nga Qendra Kombëtare për Menaxhim Kufitar është dhënë paralajmërim që shtetasit e Kosovës, e veçanërisht mërgimtarët të shmangin hyrje-daljet në pikat kufitare me Serbinë.
