Kryetarja e Kuvendit, Elisa Spiropali, ka pritur sot Ambasadorin e Kosovës, Skënder Durmishi, në ambientet e Kuvendit.
Gjatë këtij takimi, të dy palët diskutuan për rolin e Shqipërisë si një zë i fortë në mbrojtje të interesave të Kosovës në arenën ndërkombëtare.
Spiropali dhe Durmishi theksuan rëndësinë e bashkëpunimit të ngushtë mes Kuvendit të Shqipërisë dhe atij të Kosovës, si dhe kontributin e përbashkët në proceset integruese euroatlantike.
U vlerësua roli i Shqipërisë në mbështetje të Kosovës dhe rëndësia e përpjekjeve të përbashkëta për avancimin e interesave të dy vendeve në nivel ndërkombëtar.
