Kryeministri Edi Rama ka hapur Asamblenë e Partisë Socialiste në Durrës, duke deklaruar se kjo ngjarje shënon fillimin e një kapitulli të ri për partinë.
Rama theksoi se objektivi është përballja për mandatin e katërt në pranverën e ardhshme dhe ndërtimi i një strategjie të re për të përballuar sfidat e ardhshme.
“Ne do të nisemi drejt përballjes për mandatin e 4 të Partisë Socialiste pranverën e ardhshme.”, tha Rama.
Rama njoftoi se figura kryesore të partisë, përfshirë vetë atë, do të jenë pjesë e listës së hapur të kandidatëve për deputetë në zgjedhjet e ardhshme.
“Skuadra jonë do të jetë e përbërë nga 187 anëtarë, 140 e hapur për tu zgjedhur nga populli dhe 47 në listën e mbyllur të partisë”, tha Rama.
