Ministrja e Arsimit, Ogerta Manastirliu, ka uruar të gjithë nxënësit që nisin vitin e ri shkollor, duke njoftuar hapjen e 25 shkollave të reja.
Ajo ka theksuar se prioritet i qeverisë është edukimi i barabartë dhe përmirësimi i infrastrukturës shkollore. Në vitin 2024, janë investuar në rindërtimin e 100 objekteve arsimore dhe janë krijuar 216 laboratorë SMART në 200 shkolla, duke përfshirë rreth 35 mijë nxënës në programe të reja të teknologjisë.
Manastirliu gjithashtu njoftoi për rritjen e pagave për mësuesit dhe trajnimin e tyre profesional.
