Kryeministri Albin Kurti gjatë ditës së sotme ishte në veri të Mitrovicës.
Nën masa të rrepta sigurie, Kurti ka ngrënë drekë në një nga bizneset shqiptare që është hapur në atë pjesë, ndërsa një aktivist serb është arrestuar pasi ka protestuar ndaj kësaj vizite të kryeministrit Kurti në veri.
Kreu i Qeverisë nga Veriu ka folur për mediat lidhur me Urën e Ibrit dhe ka thënë se raporti i fizibilitetit që është kryer është gati dhe i njëjti rekomandon që Ura mund të hapet.
Kurti tha se Qeveria e Kosovës është gatshme për hapje dhe se vetëm po pret QUINT-in dhe KFOR-in që të koordinohen rreth çështjes së Urës.
