Ish-kryeministri Fatos Nano është shtruar sërish në spital.
Ai është shtuar në një spital privat në Tiranë, pasi ka pësuar një thyerje në këmbë dhe thuhet se nesër do ti nënshtrohet një ndërhyrje kirurgjikale.
“Bëhet fjalë për një rrëshqitje dhe ka pësuar shembje kockash. Asnjë me rëndësi apo kërcënuese për shëndetin e tij”, tha një prej miqve të afërm të zotit Nano.
Ish-lideri socialist Fatos Nano ka pësuar frakturë në qafën e femurit të këmbës së majtë. Ai prej disa muajsh bënte fizioterapi, por gjatë ditës së sotme teksa bënte ushtrimet e fizioterapisë është rrëzuar duke dëmtuar këmbën e majtë. Aktualisht po trajtohet në një spital privat dhe ditën e nesërme do t’i nënshtrohet një ndërhyrjeje kirugjikale.
Ndërsa një tjetër pas një komunikimi me familjen tha se “situata e tij shëndetësore është nën kontroll”.
