Numri i personave të infektuar me ethet e Nilit Perëndimor ka shkuar në 79 dhe 11 të tjerë kanë humbur jetën pas inflamacionit të rëndë të sistemit nervor.
Drejtuesja e Institutit të Shëndetit Publik, Eugena Tomini i tha se “Ky sezon e bën edhe fluksin më të ulët, ndërkohë edhe shfaqja e rasteve ka qenë më e pakët. Theksoj që kemi një prekje prej 79 rasteve dhe ndërkohë kemi pasur rreth 40 raste të dyshuara. Edhe humbjet e jetës kanë qenë prezent, kryesisht grupmosha e prekur është mbi 60 vjeç”.
Procesi i dezinfektimit vijon të kryhet në zonat e identifikuara nga bashkitë si problematike.
“Në zona sikurse Lushnjë, Fieri, Berati, Elbasani Tirana, Lezha, Kurbini kanë pasur një bashkëpunim të ngushtë me rekomandimet e ISHP-së për të minimizuar habitatet në të cilat zhvillohen këto mushkonja. Strukturat mjekësore janë në alert duke vlerësuar çdo rast me shenjat e para e më pas për t’u menaxhuar”, tha Tomini.
Sipas ISHP, 80% e të prekurve e kalojnë pa simptoma, 19përqind me simptoma të lehta dhe vetëm 1 përind bëjnë komplikacione të rënda, kryesisht moshat mbi 65 vjeç.
