Në një konferencë për shtyp pas takimit me homologun grek Kyriakos Mitsotakis, kancelari austriak Karl Nehammer theksoi se Austria do të vazhdojë të mbështesë integrimin e Ballkanit Perëndimor në Bashkimi Evropian.
Nehammer e përshkroi rajonin si një pikë të rëndësishme gjeostrategjike dhe theksoi ndikimin e shteteve si Rusia dhe Kina në këtë zonë.
“Për Austrinë, Ballkani Perëndimor është një pikë e rëndësishme gjeostrategjike dhe ne kemi lidhje historike mes nesh. Ballkani Perëndimor duhet parë si një sferë integrale e ndikimit të Bashkimit Evropian. Ky rajon është i rëndësishëm për BE-në nga pikëpamja ekonomike dhe e sigurisë. Shumë shtete po përpiqen të ushtrojnë ndikim atje si Rusia, Kina dhe ato arabe”, tha Nehammer.
Nga ana e tij, Mitsotakis theksoi rëndësinë e mbështetjes për rrugën evropiane të shteteve të Ballkanit Perëndimor dhe shprehu shqetësim për çmimet e larta të energjisë në Greqi krahasuar me Austri dhe Gjermani.
Ai paralajmëroi se çdo formë nacionalizmi që rritet në rajon mund të dëmtojë idenë evropiane dhe theksoi rëndësinë e respektimit të shtetit të së drejtës.
