Kryeministri Edi Rama në interpelancën në Kuvend me Gazment Bardhin për mbetjet toksike i kujtoi deklaratat për largim nga politika nëse rikthehet Sali Berisha.
“Mu nxor malli i të shkretit Lul, të gjithë e panë ku është dallim i madh mes nesh që flasin me fakte dhe këtyre që nuk dinë se cfarë flasin. Këto mallra me këto emra nuk kategorizohen tek mbetjet e rrezikshme. E dëgjuat reagimin e reaguesit të gjetur në konfuzionin e ekspertizës së tij.
Se unë ekspert nuk jam, por dëgjo dhe mësoj nga ekspertët. Kurse zotëria e pret ekspertizën me gojën hapur dhe kokën lart, i fut ekspertiza në gojë, e rrotullon në gojë dhe vjen ta pështyjë këtu. Është zotëria që tha se po erdhi Berisha do të iki nga politika, por nuk iku nga politika. Kështu që është problem i madh.
Dhe problem i madh është ai që është në katin e tetë dhe nuk ngeli balerinë pa shkuar në kat të tetë pa i shkuar pa i thënë ma ler ta tund belin për ty. Ti nuk kallëzove në SPAK Olsi Ramën, por Noc Rrokun, mirë bëre se do të përfundojë si Babale Salivani që tani shtyn gjyqin me raporte. Unë duroj shumë, derisa SPAK-u të nxjerrë të vërtetën pastaj do të kemi edhe ballafaqim tjetër” tha ai.
