Cristiano Ronaldo ka shpjeguar arsyen se pse ai nuk e sheh veten si trajner futbolli në të ardhmen, edhe pas përfundimit të karrierës së tij si lojtar.
Ai ka theksuar se, ndonëse është një nga futbollistët më të mëdhenj të të gjitha kohërave, ai nuk ka pasionin për të udhëhequr një ekip si trajner.
Ronaldo ka thënë: Është e vështirë veçanërisht në futboll, sepse ata nuk pranojnë këshilla nga eksperienca jonë. Ata mendojnë se dinë gjithçka, ata mendojnë se telefonat dhe TikTok-u do t’i ndihmojnë.
Ronaldo, që do të mbushë 40 vjeç në shkurt, është i fokusuar në sipërmarrjet e tij biznesi dhe aktivitetet personale pas pensionimit.
Ai ka një kanal të suksesshëm në YouTube dhe është i emocionuar për të eksploruar mundësi të tjera jashtë futbollit.
“Unë kam gjëra tjera për t’u shqetësuar, një tjetër kapitull në jetën time është pjesa e biznesit për të cilën jam i emocionuar,” ka përfunduar ai.
