Një shpërthim ka ndodhur brenda një avioni në aeroportin Heraklion në Greqi, duke shkaktuar panik dhe shqetësim ndër pasagjerë dhe autoritete.
Ngjarja ka ndodhur pak para nisjes së planifikuar të avionit, i cili kishte si destinacion Anglinë.
Sipas raportimeve nga creta24.gr, shpërthimi është shkaktuar nga një cigare elektronike që ndodhej në çantën e një pasagjeri. Pajisja elektronike e cila shpërtheu ndodhej në një sedilje të avionit. Avioni, i cili mbante 236 pasagjerë, nuk ka mundur të niset për në destinacionin e tij për shkak të incidentit.
Policia ka mbërritur menjëherë në vendngjarje dhe nuk ka pasur raporte për të lënduar. Shpërthimi ka shkaktuar trazira të mëdha dhe autoritetet janë duke hetuar shkakun e këtij incidenti.
