Europol dhe Eurojust kanë njoftuar se kanë çmontuar një platformë të avancuar komunikimi të koduar, të quajtur “Ghost”, e cila shërbente për grupet kriminale për të koordinuar aktivitete të paligjshme.
Kjo platformë ishte përdorur për një gamë të gjerë krimesh, përfshirë trafikun e drogës, pastrimin e parave dhe dhunën ekstreme. Autoritetet ligjzbatuese nga e gjithë bota kanë marrë pjesë në operacionin që rezultoi me arrestimin e 51 personave.
“Ghost” kishte mundësuar komunikim të sigurt mes grupeve, duke e bërë të vështirë për autoritetet ndjekjen e veprimeve të tyre. Ky aksion përfaqëson një hap të rëndësishëm në luftën kundër krimit të organizuar ndërkombëtar.
