Kryetari i grupit të PS-së, Niko Peleshi mori pjesë në homazhet që u zhvilluan në Parlamentin E Shqipërisë për t’i dhënë lamtumirën e fundit Gerti Bogdanit. Ai u shpreh se u largua nga kjo jetë një djalë model.
“Është gjithmonë e dhimbshme për këdo, për më tepër këtu bëhet fjalë për një djalë të shkëlqyer. Bëhet fjalë për një politikan model, mbi të gjithë bashkëshort të mirë. Dhimbja shumëfishohet.
Ngushëllime të gjithëve që gjithkush e ndjen sot, edhe kolegëve tanë, që erdhën për të përcjellë një njeri me kaq shumë vlera që do u mungojë miqve, politikës dhe qytetarëve.
Ndajmë dhimbjen të gjithë, por kjo është jeta dhe mbase në këto momente do të na bëjë më të mirë. Ai përfaqësonte një standard për të mos u humbur, por për t’u ndjekur” tha ai.
