Mbrëmjen e sotme në emisionin 5 pyetjet me Babaramon po diskutohet bilanci i qeverisjes socialiste këto 11 vite përpallë përpjekjeve për një mandat të katërt.
Gazetarja Esiona Konomi thekson se në këto vite qeverisjeje nuk gjen dot një bilanc pozitiv për qeverinë Rama, përveç reformës në drejtësi.
“SPAK është institucioni më i pëlqyer dhe shpresë dhënës dhe jo më kot kryeministri ka ngritur zërin që SPAK e ngrita unë. Kryeministri gjithë kohën për drejtuesit politik të qarqeve e mori për të parë se kush mund të ishte viktima e radhës. SPAK sot është krijuar një pol orientimi për shoqërinë shqiptare, aty presim të marrim ndëshkueshmërinë. Nuk ikin vetëm prej korrupsionit dhe qeverisë Rama. Përveç reformës në drejtësi zotit Rama nuk i kam mbajtur shënim arritje tjetër”, tha gazetarja.
Ajo shprehet se “Kam parë një qeveri që çalon, si të bëjë makijazh të vrarëve të SPAK. Kam parë një qeveri të zvarritur. Nuk kam parë shëndetësi falas, kam parë që legalizimet falas nuk erdhën. Kadastrat u korruptuan pas një sërë reformash. Të gjithë premtimet e Ramës nuk kam parë të kenë sukses. Nuk ka patur një investim të qartë. Kemi parë të ndryshohen ligjet me porosi”.
