Atletikja shqiptare Luiza Gega ka fituar dje ‘Maratonën e Prishtinës 2024’. Gega e ndali kronometrin në kohën 2 orë e 35 minuta e 7sekonda dhe bëri një diferencë në garën e gjatë në garën e lodhshme të 42 kilometrave.
Ajo u shpreh se e ka shijuar shumë dhe i dukej sikur gara nuk kishte fund. Gega tha se kjo garë i ështrë dukur si një stërvitje sepse mbas 10 kilometrave asaj i duhej që të vraponet vetëm.
“Faleminderit Maratonës së Prishtinës dhe uroj që të shihemi përsëri vitin tjetër. Tani fokusi i radhës për mua është Maratona e Tiranës, garë ku unë mezi pres të konkurroj çdo vit, aq më tepër që këtë sezon do të vrapoj në distancën e plotë 42 kilometra”, u shpreh Luiza Gega.
