Gjatë mbledhjes së Komisionit për Sigurinë Kombëtare, deputeti Flamur Noka reagoi ashpër ndaj policisë, duke thënë: Nuk është faji juaj, por është fyerje për çdo shqiptar të thuhet se niveli i sigurisë është në standardet më të larta evropiane.
Ai theksoi se kjo situatë fyen çdo qytetar dhe kërkoi: Mos lejoni kupolën e policisë të fabrikojë dhe të falsifikojë rezultatet.
Noka shprehu shqetësim për atmosferën e frikës në disa qytete, duke pyetur: Kush guxon të zbulojë krimet në Shkodër, Lezhë, Elbasan?
Ai priste që ministri i ri të sillte mendime të reja, por e cilësoi situatën aktuale si një mbrojtje të vazhdueshme të inkriminuar: Mos mbroni dhe të mbuloni çdo pisllëk që është sot policia më e inkriminuar në Evropë.
Ai përfundoi duke thënë: Parandalimi është term i harruar. Sot, policia e shtetit është shndërruar në institucion statistikash dhe dezinformimi.
