Presidenti i Ukrainës, Volodymyr Zelensky, do t’i prezantojë presidentit amerikan Joe Biden planin e tij të quajtur “plani i fitores” gjatë vizitës në SHBA këtë javë.
Pas takimit me Biden, ai synon të diskutojë këtë plan edhe me Kongresin dhe dy kandidatët për president, zëvendëspresidenten Kamala Harris dhe ish-presidentin Donald Trump.
Vizita vjen në një moment kyç, pasi Shtëpia e Bardhë po përgatit një paketë të re ndihme ushtarake prej 375 milionë dollarësh për Ukrainën.
“Kjo vjeshtë do të përcaktojë të ardhmen e kësaj lufte,” tha Zelensky në një postim në platformën ‘X’ (ish-Twitter), duke shoqëruar mesazhin me një video nga aeroplani i tij.
