Greqia dhe Turqia janë duke e shqyrtuar mundësinë e fillimit të bisedimeve për përcaktimin e vijave kufitare në zonat detare. Kjo është njoftuar nga ministria e jashtme greke, në një kontekst ku dy vendet, anëtare të NATO-s, kanë pasur mosmarrëveshje të gjatë për çështje të ndryshme, përfshirë hapësirën ajrore dhe juridiksionin detar në Mesdheun lindor.
Një marrëveshje mbi kufijtë detarë është thelbësore për të përcaktuar të drejtat mbi rezervat e mundshme të gazit. Tensionet midis dy vendeve janë zbutur vitet e fundit, dhe ato ranë dakord vitin e kaluar për të mbajtur kanale të hapura komunikimi.
Në takimin e fundit në Nju Jork, kryeministri grek Kyriakos Mitsotakis dhe presidenti turk Tajip Erdogan diskutuan lidhjet dypalëshe. Të dy liderët ngarkuan ministrat e jashtëm të shqyrtojnë nëse kushtet janë të favorshme për të nisur bisedimet. Takimi i nivelit të lartë është planifikuar për në janar në Ankara.
